Hoxe celebrouse a primeira xornada gastronómica con baixa pegada de carbono, que fomenta un maior protagonismo das proteínas vexetais. Nesta ocasión os nosos nenos e nenas probaron Tacos de verduras superfood (podedes consultar a receita ao final da noticia).
Esta xornada encontrase dentro do “Club nutrifriends para o planeta”. 
Que é o “Club nutrifriends para o planeta”?
É un proxecto integral que xuntan gastronomía, nutrición e educación co fin de mellorar a alimentación e saúde dos nosos nenos e nenas á vez que achegamos o noso gran de area polo coidado do pl 
aneta, contribuíndo á diminución da pegada de carbono.
Por que apostamos pola proteína vexetal?
Unha alimentación que prioriza as proteínas vexetais, ademais de axudar ao planeta, ten múltiples beneficios para a nosa saúde.
Un patrón alimentario onde as froitas, verduras, legumes, cereais e froitos secos son a base da nosa dieta axúdanos a aumentar a diversidade de nosa microbiota intestinal reforzando así́ o noso sistema inmunitario.
Existen produtos de orixe vexetal que nos proporcionan proteínas completas do mesmo modo que a carne, o peixe ou os ovos. A proteína completa é aquela que contén todos os aminoácidos necesarios para que se forme unha proteína con todas as súas características. Os garavanzos, feixóns brancos, quinoa, soia e pistachos son algúns deles. Outros legumes, como a lentella e o feixón vermello, deben complementarse ao longo do día con algún cereal, como por exemplo o arroz.
O noso Departamento de Nutrición e Dietética garante que estas xornadas gastronómicas sigan este patrón alimentario para garantir todas as achegas nutricionais que os nenos e nenas necesitan.